[Youtube=http://www.youtube.com/watch?v=6CKbzIlvS1Y]

[Youtube = http://www.youtube.com/watch?v=Mvk8zM4SPFw&feature=related]

As escolas agrúpanse coa finalidade de acadar novas expectativas pedagóxicas; deste xeito, as antigas escolas unitarias pasan a ser unidades do Colexio Rural Agrupado permanecendo situadas nas mesmas localidades.

1. Elevar a calidade do ensino nas comunidades rurais.

2. Conseguir unha participación activa de tódolos membros da comunidade Educativa, contribuíndo á revitalización socioeconómica e cultural das escolas unitarias, evitando o desarraigo dos nenos e nenas do seu contorno familiar e natural.

3. Enriquecer o labor docente formando equipos permanentes de traballo, evitando o illamento persoal e profesional, de xeito que repercuta na formación dos nenos e nenas

4. Elaborar e aplicar proxectos pedagóxicos conxuntos que permitan unha innovación pedagóxica que parta da realidade do neno e nena.

5. Non separar as nenas e os nenos da súa familia e  do seu contorno ata que acaden a madurez suficiente.

6. Lograr unha mellor comunicación do profesorado buscando máis incentivación pedagóxica, na procura dunha meirande calidade do ensino.

            7. Descubrir e vivenciar as nosas tradicións.

            8. Fomentar o uso do galego como lingua de comunicación e aprendizaxe.

Os colexios rurais agrupados, un novo modelo educativo no medio rural

Galicia presenta dende o punto de vista escolar unha grande diversidade, consecuencia da propia variedade rexional nos seus aspectos xeográficos, socioeconómicos e demográficos, que orixinan a diseminación dos numerosos núcleos de poboación e motivan que o mapa escolar sexa moi heteroxéneo.

A aplicación da Lei Xeral de Educación de 1970 modificou substancialmente o panorama escolar de Galicia, xa que a meirande parte das escolas unitarias foron substituídas por concentracións escolares situadas nas capitalidades dos concellos, pasando a ser o transporte do alumnad un fenómeno xeneralizado.

A partir de 1982 prodúcese un proceso en senso contrario, de tal xeito que a Administración Educativa de Galicia volve poñer en funcionamento moitas escolas unitarias que pecharan no proceso anterior, escolarizando nelas non só alumnado de 4 e 5 anos (nivel non obrigatorio, pero demandado pola sociedade), senón tamén alumnado de 1º e 2º de EXB, fundamentalmente.

As escolas rurais, maioritariamente unitarias, son consideradas de novo como institucións educativas especificamente idóneas e elementos de revitalización socioeconómica e cultural das zonas rurais de Galicia.

Sen embargo, a partir da década dos 90 o número das escolas unitarias vense reducindo progresivamente, debido á baixa da natalidade e ao traslado das familias do medio rural ao urbano.